قريباً انشاء الله

سلام جميعا

هذة تدوينة سريعة فقط للتشويق فانشاءالله عما قريب سأضيف طريقة عمل أول ماندالا عملتها بالكروشية و هي مفرش دائري صغير متميز بكثرة الوانة و تعدد انواع الغرز فيه

واليكم الصورة للتشويق وانشالله لنا لقاء آخر لعمل درس مفصل في كيفية عملها

مفرش كروشية دائري
مفرش كروشية دائري

مع محبتي

Advertisements

فوائد اليوغا

سلام جميعاً

استكمالاً لفكرة أهمية الرياضة و الحركة بشل عام لتحسين الصحة و المزاج قررت اليوم أكتب تدوينة عن انجازاتي العظيمة و الغير عظيمة في اليوغا

لازم اقولكم في البداية أنو أكثر شئ خلاني اهتم باليوغا هم صاحباتي – مو الكلمنجيين اللي زيي– لا ناس من جد يحبوا اليوغا و يمارسوها من فترة و الكثير منهم متجوزين و عندهم اولاد و مشالله شكلهم و صحتهم عال العال الله يتم عليهم يارب و يرزقنا

و زي ما تعرفوا الله أكرم الأكرمين و أحنا نستاهل

المهم فلننتقل لإنجازاتي

من فترة ليست بالقصيرة بدأت أنفذ وضعية الانحناء الامامي زي ما هو موضح بالصورة 1 و لقيت انو في البداية ما كنت حتى أقدر اوصل يديني لنص المسافة حتى و الآن  ترتاتاتا الحمدلله أقدر أسوي الوضعية كاملةً

الوضعية رقم 2 تسمى بالحمامة و هي من أحسن الوضعيات بالنسبة ليه عشان الاسترخاء و إراحة العضلات و خصوصاً الأوراك و الفخدين الداخليين انما أنا لسة في مرحلة أجاتدها–الله يعين –وهو دايما يعيين على فكرة

شكل رقم 3 يوضح و ضعية الكوبرا و هي من اسمها أخطر و ضعية لمحاربة و جع أسفل الظهر و مفيدة جداً لتقوية الذراعين و الكتفين و هي من أحب الوضعيات اللي أحب أسويها أول ما أرجع البيت للراحة من الشغل

و ضعية الجمل اللي في رقم 4 من الوضعيات الجديدة عليه بس حبيتها جداً لأنها مريحة جداً للظهر بس أنا حالياً أقدر امسك رجدلي بيد و اليد الثانية مرفوعة لفوق و اللي عرفتة من دروس اليوغا انو هذا لطبيعي في المراحل الأولى من تنفيذ هالوضعية

ملاحظة أخيرة شديدة الأهمية: كل الوضعيات اللي شفتوها اليوم هي الشكل النهائي للوضعية . و من الممكن تنفيذها بدرجات مختلفة للمبتدئين . أنصحكم و بشدة مشاهدة محترفين يوغا عاليوتيوب اللي يقسمو التنفيذ الفعلي للوضعيات الى اقسام تناسب المبتدئين– و على فكرة اذا قلتم بسمالله و بديتم ماراح تكونوا مبتدئين لفترة طويلة و هذا اللي أنا نفسي لاحظتة من تجربتي الشخصية

Image

مع محبتي

المحفز الذاتي

كنت راح اسمي تدوينة اليوم الحافز الذاتي و بعدين غيرت رأيي و قلت بلاش سيرة حافز عشان خاطر النبي

المهم و بالمختصر صرت من جد أكره سيرة الرجييم و الدايت لأن و ببساطة صرت من لمن أفكر فيهم بس يزيد وزني من جد! فقلت ايش الحل طيب؟؟ الحل ما تتخيلون أنو لقيته على قناة طبيخ أي و الله. أتعلمت على مدى الشهرين اللي فاتو مجموعة من الاكلات اللي حسيت من جد إانها اثرت فيا ايجابياً . المهم مالكم بالطويلة أخيراً قلت ما في إلا تغيير جذري و شامل و مستديم ..بس أنا خلاص ما أبغى انزل و زني صرت ابغى آكل صح و أعيش صح

في السابق قرأت كثيراً عن الحوافز و اثرها و انشالله راح أكتب تدوينة مخصوصة عن كل النتائج المبهرة اللي قريتها. و لقيت يا طويلين العمر أنو أحسن الحوافز هي الحوافز الذاتية , يعني ليش تتريض؟ عشان حابب الرياضة (مو عشان الناس يقولوا بطل) ليش تكتب قصص؟ عشان اعبر بها عن ذاتي و عشان الاقي نفسي فيها ( مو عشان أستاذي يقدرني) طيب و ليش درست الطب؟ عشان طول عمري أحلم بفهم المرض و العلاج عشان طول عمري شايف الجسم البشري تجمل تحفة فنيه فيها كل الإبداع (مو عشان أمي تبغى تصير أم الدكتور) المهم فهمتم الفكرة أكيد

المهم يا جماعة الخير أهم حاجة أتعلمتها من كل هالبحث أنو عقلك يصدق كل شي تقوله اياه أي شئ و كل شئ

وعملاً بـقاعدة فذكر إن الذكرى تنفع المؤمنين, فانشاءالله من فترة للثانية راح أذكركم و نفسي بشويه محفزات عشان نعيش الحياة الحلوة

Image

مع محبتي

عقد ملون

سلام جميعاً

حبيت اليوم أغير شويه عن المعتاد و أسوي عقد اتمنيت واحد زيه من فترة بس كل اللي كان في السوق كان مره

OTT

و لقيت هذا من يومين مخفض جدا في نكست

و قلت أسو ي  شويه شغل يد و الونه بالمناكير

و هذة النتيجة

Image

مع محبتي