فوائد الصيام

Image

تتذكروا زمان لما كنا صغار في المدرسة و كان مطلوب منا انو نكتب موضوع انشاء عن الصيام؟ كنا نفرح كثير لما كنا نسمع كلمة مثل “الصيام يجعلنا نشعر بالفقراء” و نكتب قصة قصيرة عن بابا لمن أخذني للجمعية الخيرية و قدمت مصروفي تبرع لأول مرة في حياتي

المهم خلونا في الحاضرخلونا نعيش اللحظة …الصيام حالياَ ما يخلينا نشعر الا بالجوع و فقدان القدرة على التركيز و زيادة العصبية فيه شي ثاني نسيته؟

الاهم.. الدنيا ما تظل على حالها كثير.. الواحد كبر و صار عندة خبرة في الفرق ما بين صبغة الشعر و صبغة الشيب – إنما دايما في شي حلو و النهايات السعيدة دايما بايدينا نحنا

كبرنا و بدينا نقرأ  كتب ، كتب من جد كلها كلام من غير  صور و بدينا نسأل اسئلة كثيرة و بدينا نفهم ايش هو الثبات الانفعالي و صرنا نفرح و نحزن و نعيش الحياة كلها بطولها و عرضها بس من غير ما ننسى مين احنا، من وين جينا و وين راح نروح

  صدقوا أو لا تصدقول كل هالكلام عشان اقولكم قد ايش أنا حابة المناكير و العطر الجديد. حقيقي فعلا. أللي حابة أقوله أنو الحمدلله أخيراَ عرفت فايدة الصيام. و فهمت ايش يعني الصيام يهذب النفس و يقوي العزيمة و يشحذ الارادة. و أنا فعلا مبسوطة أنو كل الكلام الكبير اللي في العبارة السابقة اصبح له وجود حقيقي في حياتي

مؤخراَ قررت و كنوع من شكر الله على نعمه أنو ما اسرف في الشراء و كل شي اجيبه استعمله، احبة و استمتع فيه. و اكتشفت خلال السنه الفاتت اهمية مبدأ ” مو عشان ما اقدر، عشان ما ابغى” من أكثر من سنه و أنا لاأشتري اي عطر حتى استعملة للنهاية و قررت انو في كل ترم دراسي استخدم اربع الوان مناكير من غير ما افكر اجيب غيرهم أبداَ

و لازم أعترف أنو الصيام علمني هالمبدأ

و عندي اعتراف ثاني كمان، آخر مرة اهديت اختي عطري الوحيد قالتلي أنا عارفة انتي اهديتيني ياه عشان تروحي تشتري واحد ثاني!! مزبوط هو يعني زعلت شويه من نفسي بس بسرعة اكتشفت انو هاذي في الواقع فائدة أخرى للصيام- الشغله اللي ما تبغاها أعطيها للي يحتاجها و يقدرها ليش لأ

ولا ايش رايكم؟

مع محبتي